حــــد شايـــف

حــــد شايـــف

حد شايف كلام طالع

حد شايف عين بتضحك رغم مر الإنتظار

حد شايف السعادة و لا شايفين المرار

حد حاسس بالأمل و لا التجاعيد دى إنهيار

فيكوا شاف فيها إنتصار

ف زمن مدهاش غير أسباب للإنتحار

فيكوا بص للعيون و داق يعنى إيه حب الحياه

فيكوا لمح ..

من بين شقوق نظرة آمان وسط العيون

مين إللى خد باله الصورة كئيبه

مين إللى شاف فيها الحقيقة

مين إللى بص من بعيد

مين إللى عاش جوا ف عنيها

مين إللى شاف خدوش إيديها

مين إللى حس بالإنكار

مين إللى خان

هى .. و لا الناس .. و لا الزمان

تأليف

على رباح - ركن الحواديت

(راب)